姚子羚、陳曉華、黃子恆日前現身馬來西亞出席TVBI同當地一個集團嘅簽約儀式。Hera喺台慶劇《金式森林》表現亮眼，唔少觀眾好鍾意佢同郭晉安呢對CP，Hera好感謝大家嘅支持。
Hera已經睇曬大家嘅留言，亦知道自己要繼續進步，對老少配CP受歡迎，全賴編劇同安仔功勞。至於Hera有份演出嘅《新聞女王2》即將喺香港開播，佢預告自己嘅角色會震撼大家，一改懦弱性格。 子羚好姐妹胡定欣早前宣佈同醫生男友已結婚，子羚就話自己比大家早少少知呢個消息，亦為好姐妹感到開心。對於定欣會唔會喺香港設宴，子羚話大家有同定欣提議搞一個小型朋友聚會，等定欣得閒啲先再討論。
子羚另一位好姐妹李施嬅就同前未婚夫車崇健齊齊參加內地綜藝節目《再見愛人》第五季，被指有復合可能，子羚就冇聽過呢件事，叫大家問返當事人好啲！
講到接落嚟嘅工作計劃，子恆就預告出年會有2部作品同大家見面。其中一部係自己期待已久嘅《武林》，角色造型特別，而且武功高強。