《中年好聲音4》今個星期上演決戰大灣區，當中不乏實力強勁選手，范順安同雷小雷分別選唱兩位歌王張學友同王力宏嘅經典情歌以騷唱功，尤其范安順，一開口聲線同學友相似度高達九成，令評審頻頻點頭。
相比之下黃藝輝就勇氣十足，揀咗首原創歌出賽，佢話因為自己係創作人，希望第一次登上《中聲4》舞台，就可以展現出個人音樂風格。
林靖枝相隔超過20年再參加歌唱比賽，佢話當年參賽時自己仲係未成年，今次再參賽雖然心情緊張，但希望藉《中聲4》嘅舞台重拾昔日夢想。
重溫《中年好聲音4》精彩賽事
來自北京嘅戴藝，自細就睇TVB劇集，好似《金枝慾孽》同《創世紀》，而來自遼寧嘅李昊，就話父母最鍾意嘅劇集係《上海灘》，今次有機會來到電視城參加《中聲4》，對佢哋嚟講都算係夢想成真。
