日前舉行嘅「屯門獅子會長者千人宴」，逾千名區內長者歡聚一堂迎新歲，而早前先踏入94歲嘅修哥 胡楓，仲以「慈善之星」身份主禮，又同由惠州聽障兒童組成嘅「妙音天使童聲合唱團」，為長者表演同送上誠摯祝福。
活動中，修哥親切問候現場老友記，又分享生活樂趣同積極人生觀。剛度過94歲生辰嘅佢，呢日再獲大會準備溫馨驚喜，活動代表向修哥送上精緻生日蛋糕同衷心祝福。隨後全場嘉賓同合唱團仲有逾千長者更一同高唱生日歌，為呢位藝壇長青樹慶祝。
修哥事後坦言驚喜又感動：「非常多謝大家為我慶祝生日，能夠有超過一千人為我唱生日歌，相信是今年最大型、最難忘嘅生日會！」佢仲祝福現場所有長者福壽安康、笑口常開。
