陳自瑤（Yoyo）近年積極發展事業，唔只演技大獲好評，更發展直播帶貨事業，成為帶貨女王。Yoyo最近喺社交平台宣布，將於3月到廣州舉行佢人生首個音樂見面會，兼且同粉絲歡度白色情人節。
Yoyo表示音樂會主題「Be your own light 做自己的光」意思係希望每人都可以成為自己嘅光，照亮自己、照亮別人，並送俾每一位正在尋找自我、或已在發光路上的嘅朋友，希望大家都可以搵到屬於自己嘅光。消息一出，唔少粉絲都話好期待，亦有人反問Yoyo會唔會搵經常喺內地開騷嘅老公王浩信做嘉賓，仲話「好想見到盲俠」呀。