馬德鐘 陳煒 同一眾《非常檢控觀》演員現身商場為結局篇宣傳。劇中故事越嚟越緊湊，其中一幕馬神同煒哥隔空爭辯嘅戲份，更成為城中熱話。馬神話當日自己拍先，要預計煒哥嘅反應去演，相反煒哥有馬神嘅拍好嘅片參考，不過呢幕劇情咁成功，要歸功導演拍攝角度同剪接了得。
踏入結局篇，包希仁嘅鏡反射觸覺症，引發咗被佢檢控過嘅罪犯返嚟找佢晦氣，呢幕戲都係挑戰馬神演技，馬神話究竟係真定係夢境，而正義嘅包希仁又會做啲咩壞事，大家要密切留意。吳偉豪 被問到展熊飛拒絕白逸桐示愛時，佢話之前20集都係白逸桐做主動，最尾5集應該會有所逆轉。
陳曉華 為咗救失蹤女孩，又再次不顧一切身陷險境，Hera笑言可能監製睇得出佢感情用事嘅性格，被唔少網民仲話冇經一事長一智，仍然不時犯險。蔣家旻話一直被猜測角色係忠定奸時，佢就話最後五集就會有定論。至於 賴慰玲 同張馳豪一對劇中CP，Winkie話經過Aska劇中角色飽受身世困擾後，兩人感情就超了變化有大躍進。
《非常檢控觀》結局篇 20:30 翡翠台