黃文標確診初期柏金遜症靠藥物控制 著手籌備游飈身後事安排

資深藝人游飈日前因病離世，佢生前好友黃文標呢日同米雪、雪梨等出席電影首映禮時就透露已著手籌備游飈嘅身後事，將於今個月21號設靈，因為知道游飈有經濟壓力，所以自己會盡力幫手，希望佢嘅朋友有能力都付出少少心意。

黃文標話游飈嘅身後事安排，已經通知香港演藝人協會會長古天樂，但就暫時未知協會有咩安排，因為始終都要尊重主人家嘅意願。
好友離世令黃文標都更加關注自己嘅身體狀況，佢透露自己確診初期嘅柏金遜症，暫時以藥物控制，之後要等醫生安排再做進一步詳細檢查。