吳若希、戴祖儀同丁子朗作客《StarTalk》接受主播 潘盈慧 訪問，大談早前拍攝《他們的澳洲駕期》點滴，三人首次一齊拍攝旅遊節目，Jinny起初擔心大家去旅行時嘅節奏好唔同，因為男士比較爽快啲，點知去完就發現完全冇呢個感覺，正當大家以為佢意有所指丁丁時，佢就話其實大家都咁爽快。
myTV Super睇《他們的澳洲駕期》友情相聚
Jinny同Joey拍攝完節目後，決定要為丁丁平反，強調丁丁冇成日補妝，而佢皮膚白係天生嘅，因為三人澳洲之行，只得丁丁冇曬黑。
Joey早前獲唐碧霞師傅指點姻緣，要同土有關，所以佢哋每逢到農莊參觀時，大家即時問莊主結婚未，起初Joey好尷尬，事後發現兩位拍檔唔會收手，於是由被動變主動，自己尋姻緣。
三人又大談相處關係，Jinny話兩位拍檔係佢圈中少有傾得埋嘅朋友，丁丁同Joey都話入行後就認識Jinny，覺得對方係大姐姐感覺，不過丁丁話喺今次旅程中，就發現Jinny並非以前大姐姐同媽咪嘅感覺，其實有小朋友一面。