吳若希 戴祖儀 同 丁子朗 作客《StarTalk》接受主播 潘盈慧 訪問，詳談三人首次拍攝旅遊節目《他們的澳洲駕期》，行程中佢哋要按節目組安排分段駕駛私家車，點知三隻「嘩鬼」第一日經已失控，丁丁無按指令拍攝揸車鏡頭，竟然一起步就駛上高速公路。
戴祖儀又爆丁丁好受當地酒莊女性老闆歡心，對方會打聽丁丁蹤影，完全將佢同Jinny當成透明。Jinny此行遇上野生海豚，佢話每次見到海豚都有好運，所以現時心情都期待再有好運。
佢哋又分享節目組送上驚喜，就係喺一個營火會播出三人出道時片段畀佢哋回味。講到彼此嘅改變，Jinny大讚丁丁成長唔少，而Joey由無膽變成暢所欲言，至於Jinny就被Joey爆喺旅程中因為無仔女喺身邊，所以不時醉酒。
《他們的澳洲駕期》星期一至五晚 22:30 翡翠台