音樂選秀節目《中年好聲音4》嘅賽程進入大直路，選手們除咗要積極備戰比賽外，仲要拍攝佢哋主題曲嘅MV，今次佢哋將會分為男、女子組兩首歌曲，女子組呢日就為佢哋嘅歌曲《SUPERWOMAN》指攝MV。
七位女選手們唱歌當然無難度啦，但要佢哋迎戰跳舞，又要擺出女人味嘅pose，就令佢哋頭痛又腰痛，蔡宓婕、許美琪、許雲妮 同 可嵐 仲笑言佢哋係「back pain」組合呀。
myTV SUPER重溫《中年好聲音4》精彩內容
蔡宓婕爆當 車婉婉 讚許雲妮斯文時，大家都笑到癲咗，又指平日嘅許雲妮，講嘅說話要嘟晒先可以出街。賽事越到後期，蔡宓婕就話頭越嚟越大，因為要記嘅嘢越嚟越多，笑言中年人搞唔掂。
眾多選手中，嚟自新加坡嘅 卓猷燕 形象同風格都好獨特，向來freestyle嘅佢，為咗拍攝今次MV都要收斂一下；尤淑情亦指要記住舞步冇得好free咁跳都好唔慣，而馬浩宜就話舞步入面扭腰、好嬌俏嗰啲動作，自己已經好耐冇做過呀。
《中年好聲音4》星期日晚 20:00 翡翠台