改編爆網絡熱門小說嘅首部港產BL網劇《煙灰》，正式播出，劇集採用全廣東話對白、幕前幕後均由全港人班底打造。幾位主演男主角演員更係全新面孔，以香港黑幫權力鬥爭為故事背景，講述臥底探員莫非歡、穿梭黑白兩道嘅集團話事人許掠濤，以及偽鈔集團幕後主腦肖恩，三位來自唔同背景嘅男士，喺權力同愛情之間嘅掙扎同抉擇。
劇集星期五於銅鑼灣舉行觀影會，三位男主角Kingston(億軒)、Leo(彭梓燁)同Sing(利澤昇)，以及其他演員Ethan@Alitz、侯源昊、黃星綽、趙君瑜、許月湘、麥子樂、麥秋成、張滿源、曹子浩等一齊參與。 早前《煙灰》觀影會限量100張觀影證被火速秒殺，足見BL劇嘅影響力。入場觀眾更獲兩張《煙灰》劇照小卡，以及代表兩位主演嘅公仔。觀影會上司儀逐一邀請演員出場，各人介紹自己劇中角色，又分享拍攝趣事。司儀又抽出觀眾對演員問題提問，場面熱鬧。
之後一眾演員與觀眾一齊欣賞《煙灰》首集，於巨型戲院屏幕下欣賞首套作品，三位男主角Kingston、Leo、Sing都相當興奮，同時又回憶當日拍攝點滴。
