「高顏值女神」劉穎鏇（Tiffany）擁有精緻五官、高䠷身材，配合陽光甜美嘅笑容，深受觀眾喜愛，劉穎鏇私底下經常大方展現真素顏，噚日喺社交平台曬變妝短片，曬健康陽光嘅「小麥肌膚」，與化妝後嘅靚樣作對比！
劉穎鏇平日熱愛運動，又忙於開工拍劇，喺普遍追求白皙膚色嘅娛樂圈當中，劉穎鏇卻獨樹一幟，打破「白得發光」嘅美女傳統框架，劉穎鏇喺社交平台上載素顏變妝嘅影片，見佢開工日曬雨淋，皮膚維持良好狀態，網民讚賞係天然美女。
劉穎鏇係2016年度香港小姐亞軍得主兼「最上鏡小姐」，當年喺泳裝問答環節中，憑健康小麥膚色與健美體態嘅最強Body震撼全場，獲得極高分數。劉穎鏇向來身材出眾，多年嚟私下作風低調，鮮少公開展示好身材，而劉穎鏇大方展示素顏與精緻全妝極大反差，可見佢對自己嘅素顏充滿自信心。
