五月天阿信、周渝民、吳建豪、言承旭以「F✦FOREVER」名義舉行嘅巡回演唱會新加坡站圓滿落幕。
新加坡場舉行期間，吳建豪嘅新婚妻子 荒卷繪美 突然被網民指學歴同年齡疑造假，不過VanNess就懶理閒言，心情未受影響，返台灣後更透過公司闢謠以正視聽。
雖然F✦FOREVER即將會喺10月登陸北京鳥巢，舉行升級版嘅大型體育場級別演唱會，鳥巢場亦係除阿信以外嘅三子第一次踏足聖地開騷。不過新加坡站係F✦FOREVER嘅東南亞巡唱尾站，四子唱到最後都特別不捨，遲遲未肯唱最後一句歌詞。
最後四子背靠背坐喺舞台中心，由阿信帶頭感謝場內歌迷支持，亦帶動歌迷舉起手機燈製造出「銀河」，再大合唱唱出《流星雨》，為新加坡演唱會畫上圓滿句號。