今屆港姐決賽仲有4日就舉行，除咗12位佳麗緊密備戰之外，將於當晚參與演出嘅嘉賓 梁漢文 郭柏姸 陳禎怡 同 謝淑怡 亦都一早開始投入綵排，佢哋當晚將為邊獻唱邊演奏樂器，再串連成一個浪費愛情故事呀。
Edmond唱歌之外仲會彈鋼琴同吹口琴，佢就話口琴係疫情時自學，而Rosita仲會展現佢扮演「綠茶女」之外嘅溫文一面，將為大家表演單簧管，仲因為已經好幾年冇拎出嚟用而當眾鬧出笑話。
不過最大挑戰，可能就係被譽為新一代魔音代表嘅佢，將會開口唱歌，所以佢都話超緊張，而Edmond就笑指連自己都非常期待，仲想信一定充滿娛樂性咁話呀。呢次佢仲會同有鋼琴演奏級資格嘅Zoie四手聯彈，仲原來今次係首次體驗，而Zoie就話諗起當年港姐決賽嘅回憶呀。至於Celina亦會表演豎琴，佢就指整個故事同畫面將會相當唯美喇。
《2026香港小姐競選》決賽 8月30日晚 20:30 翡翠台 現場直播