張與辰 擔任電台節目嘅嘉賓主持，佢特別邀請好提攜自己嘅前輩 陳友 作客節目，而友哥知呢日會討論佢當年拍攝殭屍電影時，特別帶同一個佢殭屍電影中角色造型公仔到場。
與辰早前因急性腸胃炎加腎石發作劇痛入院，友哥得知後親自煲愛心粥送到醫院畀與辰，佢解釋係因為與辰媽咪擔心仔仔獨自在港，所以當時就答應張媽媽會照顧與辰。與辰話當日做完手術後好肚餓，所以見到友哥碗粥就好有幸福感，佢仲話碗粥太好味，所以唔敢一次過食晒，係分開三次嚟食。
校長譚詠麟日前舉行76歲生日派對，身為兄弟嘅友哥當然係座上客，佢話當晚大家都玩得好開心，阿倫只係邀請咗少數親友出席。友哥又讚阿倫修身成功，大讚兄弟好勤力日日跑步。
《中聲4》三甲順利誕生，與辰都話係心水之選，大讚七強水準好高，佢直言都睇好尤淑情，可惜發生失誤事件，但事後都有安慰對方，鼓勵尤淑情今次只是事業開始，只要往後繼續努力，一定會有人睇到。