姚焯菲 嘅首個個唱今個星期六就舉行，Chantel早已開始密密麻麻嘅排練日程，佢早前受訪時仲話一早就將歌單安排好，而呢日綵排佢就非常專心，務求希望當晚為小菲象完美演出呀。佢又提到將會有歌舞環節，更有連串串燒歌曲演出，仲有唔同驚喜為大家準備呀。
Chantel又話唔止已經準備過往未有機會獻唱嘅歌曲，就連大家聽到耳熟能詳嘅都一樣經過重新編排同製作。之前一直唔肯公開嘉賓誰屬嘅佢，呢日就稍為鬆口，不過就依然未有公開身份，只係得「好有才華」呢個貼士，認真口密呀。
9月初就要開學嘅佢，完騷後就要準備執行李飛返紐約，佢仲話今個暑假非常充實，最深刻就係重返《愛．回家》結局同熊家成員見面道別呀。
