日本草間彌生美術館喺8月27號透過官方社交平台，宣布沉痛消息，日本殿堂級藝術家草間彌生於8月14號喺東京一間醫院，因多重器官衰竭辭世，享耆壽97歲。
草間彌生一生致力於藝術創作，作為一位享譽國際嘅先鋒前衛藝術家，佢嘅創作實踐涵蓋咗視覺藝術、行為藝術、小說同詩歌等多個領域。草間彌生筆耕不輟，直至生命最後一刻，仍然堅守著「愛能拯救世界」嘅畢生信念。美術館將繼承草間彌生嘅遺願，繼續透過藝術為世界各地嘅人們帶來希望與力量。
草間彌生嘅作品遍佈全世界，波點與南瓜同樣係草間彌生嘅代表作品，令唔少人為之着迷同受到啟發，當中一位就係王菀之，Ivana喺2019年推出新歌《波點女皇》向偶像致敬。草間彌生死訊發佈，Ivana亦發文悼念偶像，「感謝妳的藝術，妳的生命，妳的委身。打開了無數思想，釋放了一個又一個靈魂，讓心靈從無限裡找到希望和安慰。妳創造的點點光，不止被珍藏於鏡盒裡，更住進了細胞，有氣息的一切，都被滋養了」。
Ivana喺文尾為愛草間彌生嘅禱告，「好好安息，波點女王」，並以節錄一段歌曲《波點女王》中嘅歌詞作懷緬。
