生日快樂！今日（27日）係張智霖55歲正日生日，Chilam一直奉行努力工作盡情玩樂宗旨，喺生日前夕都出席代言活動，獲大批粉絲預祝生日。即時再開心都好，Chilam都不忘為主演嘅新劇《璀璨之城》宣傳，日前為劇集配音時，Chilam有幸先暏為快睇咗部份劇集，佢話係一套值得大家期待嘅作品。
同樣喺27日生日，仲有女神代表陳自瑤，踏入46歲嘅Yoyo喺社交平台分享一輯靚相，佢話「每年生日都希望為自己實現一些小小的願望，今年為自己圓了西域公主夢。繼續熱愛生活 、繼續探索，繼續成長…Happy Birthday to me!」相中西域公主造型嘅Yoyo完全冇違和感，仲散發出一份自信嘅中東美。
