中聲實力唱將沈宗賢同阮慧珊推出首支國語合唱歌，呢日喺新歌發布會上，唔少中聲家族嘅朋友都有嚟撐場，場面都幾墟冚。
一手撮合兩位合作嘅肥媽，當然有嚟撐場啦，佢仲話好開心見到阿Sean同阿珊真係如願推出合唱歌，肥媽話阿Sean寫歌好好聽，於是就提議阿Sean寫首合唱歌，估唔到阿Sean一日起貨，於是肥媽就提議揾阿珊一齊合唱，而出嚟嘅效果亦非常好。
呢首合唱歌係由阿Sean包辦曲、詞及編曲，阿Sean話佢同自己講，如果寫第一首合唱歌一定要係情歌，因為佢想向偶像張學友致敬，希望可以有第二首《你最珍貴》誕生，肥媽話雖然佢哋唱開Live，對於唔同嘅曲風，佢哋都可以拿捏得好好，事關兩位喺中聲時，已經身經百戰。
