啱啱完成巡演嘅蔡依林，雖然進入休假狀態，但呢日佢有現身為一個網約車擔任代言人，Jolin話佢帶毛孩外出都會間中call車，咪以為Jolin call車一定會引起司機關注，實情係佢嘅毛孩，原來更受司機歡迎，至於問到Jolin叫車平台有冇匿名？Jolin就話自己有代號，唔係叫「美杜莎」，佢話驚司機睇到個名唔肯載喎。
Jolin舊年開始實行晚上9點半入睡嘅養生生活，而佢呢個習慣，仲成為呢次廣告嘅橋段添，佢話自從有咗呢個習慣之後，令佢整個身心都好好，可以係明艷照人，但佢話有時工作關係，聚會太夜，就未必可以每日都咁早瞓，不過，佢話盡量佢會繼續比自己有充足嘅睡眠。
越嚟越著重視養生嘅Jolin，仲打算嚟緊放半年假，去歐洲旅行享受人生，至於幾時會復工？佢就話出年有喺大巨蛋開演唱會計劃，但係而家仲未知有無檔期，不過會盡力去爭取。
