台灣綜藝天王 胡瓜 呢日現身一個活動，近日台灣女星 五熊（蔡頤榛）因為4月時涉嫌於奈良以潑油方式破壞千年國寶，而喺8月底，佢再度入境日本時被拘捕，五熊承認罪行，並坦言唔只係一個地方做過同樣行為，消息令大眾嘩然震驚，呢日胡瓜都有被追問對事件嘅睇法，佢就無奈表示冇嘢好講，唔願意多加評論。
而胡瓜徒弟辛龍嘅太太劉真喺6年前離世，自此辛龍幾乎絕跡幕前，更有傳佢同劉真父母及胡瓜反面，不過近日辛龍宣布復出，並對事件辟謠，胡瓜對此就表示每逢過年過節時，自己都有問候辛龍，叫對方多注意身體，多陪伴女兒。
至於講到辛龍表示復出後會想上綜藝節目，而吳宗憲同胡瓜嘅綜藝一定會優先選擇，對此胡瓜就話佢個哋個綜藝節目都就快結束，如果有第三季就一定會搵辛龍呀。
