「亞洲影視內容大獎2026」（ContentAsia Awards 2026）於8月27日喺泰國曼谷圓滿舉行頒獎典禮。無綫集團有限公司是次共獲四項提名，最終奪得1金2銅。
《新聞透視：宏福苑五級火》奪最佳時事節目（亞洲特定市場）金獎，《新聞透視：再見全球化？》奪最佳時事節目（亞洲區域/國家市場）銅獎，賴慰玲（Winki）憑劇集《非常檢控觀》奪最佳女配角銅獎。
Winki喺《非常檢控觀》飾演「公孫珀」，出名實力派嘅Winki，不但將角色嘅足智多謀、伶牙俐齒演繹得入型入格又生鬼；為咗增加記憶點，Winki更豁出去喺劇中連環大晒「美腿」，其中一招「俯身執File」大晒S身形，更成為「公孫珀」經典pose，獲不少網民封「最索人妻」！
對於賴慰玲演技再獲肯定，《非常檢控觀》台前幕後大感雀躍，今早一收到喜訊，已喺群組紛紛留言恭喜，Winki本人得知喜訊後連問兩次「我？」、明顯感到驚喜，之後開心感謝台前幕後暖心支持及鼓勵，相當有愛！
