《2026香港小姐競選》決賽會星期日晚舉行，12位候選佳麗喺賽前一日以泳裝亮相，大騷Fit爆身材，一眾佳麗都狀態大勇迎戰決賽。
除咗泳裝環節吸引，呢日佳麗們亦經抽籤試戴后冠，6號盧蔚晴成為幸運兒，由即將卸任嘅2025冠軍 陳詠詩為佢模擬加冕。而另一個緊張關頭就係佳麗們即場投選友誼小姐，結果3號李澄晴先拔頭籌，心情興奮。
6號盧蔚晴則對自己信心十足，表示能率先感受港姐戴上后冠，體驗肩負起港姐責任好開心。多年嚟被抽中試戴港姐后冠嘅佳麗，被外界形容為魔咒，盧蔚晴就大方表示唔一定，自己亦唔相信，更稱可以打破魔咒，趁機呼籲觀眾投佢一票，盧蔚晴對比賽亦信心十足，笑言要食飽飯更有力氣呈現最佳狀態，尤其泳裝環節上騷復肌讓觀眾欣賞。
一班佳麗對港姐決賽夜已經準備就緒，雖然8號鄧匡閔同11號顏懿菲都帶病上陣，幸好兩位嘅狀態都未受影響，更被網民大讚越戰越勇，兩人感謝睇好佢哋嘅觀眾，顏懿菲認為自己心情平和，所以喺台上發揮較自如，相反鄧匡閔因為生病所以都有啲心情緊張。
上屆冠軍陳詠詩同最上鏡小姐兼友誼小姐李尹嫣，兩人面對即將卸任都有啲唔捨得，但佢哋亦抱住探索嘅心態迎接人生新一頁，期待卸任後正式成為藝人身份喺娛樂圈發展，見到一班小師妹都覺得光陰似箭，咁快就一年。
活動司儀 陸浩明 啱啱宣報喺馬爾代夫向圈外女友Ayan求婚成功，結束14年愛情長跑，一對準新人都收到大量祝福，原來喺出發求婚前，6號都好擔心有阻滯，特別驚求婚鑽戒會被未婚妻發現而失去驚喜，所以上網搵咗好多資訊，佢之前話原定求婚時準備咗大量愛的宣言同Ayan講，但埋門一刻腦海一片空白，呢日佢都有把握機會，透過我哋娛樂新聞台鏡頭隔空向未婚妻講情話。
《2026香港小姐競選決賽》紅地氈現場盛況 星期日晚 18:30 ENews社交平台直播
《2026香港小姐競選決賽》星期日晚 20:00 翡翠台 現場直播