《中年好聲音4》經過近十個月激烈比賽後，上星期登峯之戰後賽果塵埃落定，而一眾得獎者除咗得到歌迷支持之外，孤身來港參加嘅佢哋家人於背後支援一樣功不可沒，而一眾家人亦來港親臨現場打氣。
冠軍 尹景順 嘅媽媽同哥哥就於賽後節目《一周星星》分享心情既開心又緊張，尹媽媽仲話每星期都於電視留意住寶貝仔嘅表現，而餅印哥哥就非常感謝評判同景順Fans嘅愛戴，令弟弟順利封王。
而 亞軍 許雲妮 嘅爸爸，過往其實不甚支持愛女嘅表演事業，不過經過今次比賽後就非常支持，仲話冇諗過咁多朋友支持囡囡，而丈夫亦非常開心，仲話全家都支持太太咁話。
至於季軍 鄭家聲 嘅父母亦由加拿大返港支持，亦非常開心囝囝夢想成真，仲指家聲由海選到後來比賽有明顯大幅進步咁話呀。
