日本頂流女優 河北彩花 現身香港舉行見面會，吸引大批慕名而來嘅粉絲喺旺角街頭守候，有幸出席見面會嘅粉絲，當然興奮莫名，更喺社交平台分享合照，見河北彩花對粉絲非常親切，毫無架子。
見面會完畢後，河北彩花由唐樓嘅會場步落街頭時，眼見兩旁企滿熱情粉絲，河北彩花即展現照牌笑容，又向兩旁粉絲揮手，愛零食嘅佢仲手執粉絲所送嘅零食登上路邊等候嘅七人車離開。
河北彩花獲封為「三上悠亞接班人」，佢曾經公開封號令佢有壓力，近年佢明顯減產AV作品及裸露演出兼轉型，不時喺網上分享旅遊及嘆美食短片，工作重心亦似轉移至台灣，隨之而引發合約糾紛及跳糟事件，亦有台灣傳媒爆佢係「雙面人」。
報道出街後，有曾經跟河北彩花合作過嘅業界人士表示，與對方合作愉快，未聽聞過河北彩花有咩抱怨，指對方係敬業樂業嘅女優，不過種種風波同報道，似乎都未有影響河北彩花香港行嘅心情。
