許廷鏗 同 李凱賢呢日一齊現身超巿活動，並進行星級直播，Alfred一向牙醫同娛樂圈雙線發展，近日被揭同家姐一齊開診所執業，組姊弟檔拍住上。
Alfred話診所未正式開業，但因為眾多好友同粉絲知道而喺網上廣傳，幸好一切意見都好正面，Alfred覺得兩線嘅發展都係時候自立門戶，所以展開不同計劃，近日自己都好勤力籌備診所開張，希望為客戶帶嚟好嘅體驗。
好友 鄭欣宜 神穩三年後，有消息指佢會正式復出，仲會出戰內地歌唱節目。Alfred話一向覺得Joyce情緒好穩定，笑指都係喺網上見到粉絲野生捕獲佢得知，知道佢安好就可以，兩人有互相聯絡，希望同Joyce定期見面，更想Joyce成為佢新店第一位客戶。
Brian喺個人頻道不時會游走食店介紹食好西，下一站佢計劃到馬來西亞覓食，仲會搵嚟不同好友做嘉賓。
