星期日晚舉行嘅《2026香港小姐競選》決賽，由新近宣佈已定婚嘅 陸浩明 鄭衍鋒，以及近年不時合體一齊周圍開騷嘅 曹永廉 馬國明 同 蕭正楠 一齊合作主持，三位人夫嘅搞笑組合整晚節目帶來唔少笑聲，其中戴眼罩出現於泳裝環節更係令人忍俊不禁。
而當阿蕭落力主持時，原來乖仔 蕭哈哈 亦正喺屋企睇住爸爸嘅表現， 黃翠如 就公開囝囝睇電視嘅情況，手長腳長嘅哈哈對爸爸出現喺電視似乎一頭問號，而身為爸爸嘅阿蕭，亦於社交平台分享呢次主持心情。
佢寫道：「當我知道要做港姐司儀嘅時候，心裏面第一句就係oh my god，因為曾經做過，所以知道絕對係艱難嘅任務。不過有佢兩個喺我身邊，又好似多返種動力。披荊斬棘咗兩個半小時，節目完結，滿滿嘅享受，仲要多謝另外兩位傑出嘅好拍檔，6號和𧗠峰，有咗你哋我哋就冇後顧之憂。」
「最後要恭喜12位香港小姐，因為你哋已經成功挑戰就自己，proud of you Girls！任務完成，冇我嘅事啦，可以返屋企湊哈哈❤️❤️❤️」
唔知哈哈見到電視中嘅爸爸又突然出現喺現實中，小小腦袋當中又會係咩諗法呢？