賭王何鴻燊三房千金 何超雲 與消防員未婚夫Douglas爆出情變後，事過境遷後，不時曬出同台灣男友 Jony Su 嘅親密照放閃，7月底仍頭貼頭甜蜜情況，更就有指新歡係於台灣同日本經營豪華房產兼音樂派對品牌嘅「台灣豪宅大亨」。
近日台灣傳媒就將Jony背景底細全面起底，指男方「豪宅大亨」嘅人設疑點重重，甚至再爆出佢過去疑曾涉及官非。根據台灣傳媒調查與「貴婦圈」嘅爆料，指出Jony真身係一名地產經紀，貴婦團又指Jony雖然出入高級場所又認識唔少富二代，但主要因為佢外型出眾、擅長交際，實質並非外界想像咁財力雄厚。
台媒翻查當地法院判決書時發現，一名同名同姓、資料吻合嘅「JONY Su」曾捲入版權糾紛。該名男子曾任職知名房產代銷公司嘅專案經理，離職後曾以「JONY Su」名義經營 影片頻道，但就因為擅自使用前僱主嘅宣傳影片素材而遭入稟。最後法院判其違反《著作權法》（侵犯版權）罪成，判處拘役50日（可以罰金代替羈留）。
超雲近日公開身處意大利嘅休閒靚相，似未被對象負面新聞影響，更公開泳裝打扮同各式美食。而Jony Su最近似乎收到風聲，近日已將社交平台嘅個人資料中，相關地產公司嘅資料刪除。
