曾為香港樂壇譜下無數經典嘅殿堂級填詞人兼資深演員 黎彼得 ，8月5日因病離世，終年76 歲。
據報道指，家屬已遵照其生前意願辨理後事，喪禮以家祭形式低調進行，並已於今晨完成火化儀式。家屬向傳媒發聲明指：「一縷輕煙，雖然帶走了他寄居塵世七十六載的皮囊，但他的歌詞與演出將永留人心。」同時又透露正與唱片公司商討為其舉辦追思會嘅可能性，令廣大樂迷同業界好友能一同向呢位一代詞人致意。
黎彼得一生傳奇，雖只得小五學歷，更自12歲就開始打工養家，曾做過洗廁所、司機等基層工作，後來憑住佢嘅才華，成為一代填詞巨匠。70年代獲許冠傑賞識，組成本港樂壇黃金搭檔，共同創作《浪子心聲》、《打雀英雄傳》、《半斤八兩》、《賣身契》同《梨渦淺笑》等，多首膾炙人口至今嘅經典金曲，原名黎成就嘅佢被譽為「鬼馬詞人」，開創粵語流行曲寫實市井風氣。除填詞成就外，黎彼得其後轉戰電視圈，亦塑造過無數深入民心嘅「綠葉」角色，憑風趣幽默演技深受觀眾喜愛。
其好友 鍾志光 曾陪同黎彼得嘅囝囝 黎樹德 舉行記者會，當時曾澄清指亡父經濟情況，亦指出將遵遺願低調辦理後事。
