四屆亞洲影后林黛墓碑遭破壞 87歲翁涉刑事毀壞被捕

長眠於跑馬地天主教聖彌額爾墳場嘅一代國語片巨星、四屆亞洲影后林黛，其墓碑於8月中旬被發現遭人毀壞，雲石拜台疑被塗鴉及以英泥覆蓋。墳場辦事處指出，墳場內另有一修女墳墓同遭破壞，目前正聯絡林家後人商討修葺安排。

林黛墳墓有四天使包圍守護，墓碑刻有聖經經文。而警方經調查後，已拘捕一名87歲退休男子，據悉涉案人被捕後聲稱當時僅「進行維修」而非故意破壞，案件目前由刑事調查隊跟進。

本名程月如嘅林黛早於1950年代出道，憑精湛演技同標緻貌美迅速紅遍華語影壇。佢最輝煌嘅威水史，莫過於先後憑《金蓮花》(1957)、《貂蟬》(1958)、《江山美人》(1959)及《千嬌百媚》(1961)四度榮獲亞洲影展最佳女主角殊榮，創下空前絕後紀錄，成為50至60年代國語電影界風靡一時嘅超級巨星。