樂壇天后 王菲 向來畀人高冷、不食人間煙火嘅感覺，但日前佢帶埋細女 李嫣 現身一個沙灘音樂節，齊齊撐大女 竇靖童 （Leah）嘅演出時，就完全拋開天后包袱，化身「頭號粉絲」喺VIP區忘形地為竇靖童應援。
身穿休閒便服、素顏現身嘅王菲，與友人及小女兒李嫣齊齊現身沙灘音樂節VIP專區，全身心投修音樂節嘅王菲，喺VIP專區內玩得相當開心，除咗隨住音樂搖擺跟唱外，佢更與友人如少女般喺沙灘又唱又跳，玩得不亦樂乎。
不過當現場導播將大螢幕鏡頭切到觀眾席時，王菲發現自己被拍後，就害羞到遮面躲避，咁真實又可愛嘅反應，引起現場歌迷尖叫與笑聲。
