謝霆鋒太原演唱度過46歲生日 捐百萬支援西藏災區謝婷婷出片慶生

謝霆鋒 於剛過去嘅週末完成巡迴演唱會太原站演出，而29號踏入46歲生日嘅佢，唔止獲演唱會現場5萬歌迷合唱生日歌送上祝福，妹妹 謝婷婷 亦於社交平台分享短片為哥哥慶生，影片中謝霆鋒專程探望外甥，面對外甥張開小手求抱抱時，一向形象Cool爆嘅霆鋒秒變寵溺舅父，眼神充滿愛意滿臉甜笑，畫面非常溫馨。

而霆鋒亦不忘投身公益行善，日前西藏日喀則市吉隆縣，因山崩泥石流等浩劫災情後，霆鋒向中華慈善總會捐款100萬，用作吉隆災區嘅緊急援助同救災工作。總會指專項將用於吉隆災區緊急援助、過渡安置同災後重建，而霆鋒就指會密切關注災區救助工作進展，祝願災民早日渡過難關，一切平安，重建家園。