MC提速完成目標盼盡快生兒育女 吳雨霏任寄養媽媽慶幸子女助照顧

MC張天賦 呢日出席一個健康品牌活動，早前曾提過希望40歲成家立室嘅佢，活動後就竟然話有少少改觀，希望盡早有小朋友陪伴住佢哋成長，仲話要盡早完成事業上嘅目標，希望35歲前財富自由，到時就可以有更多時間投資喺家庭喇。

不過近年成日話養小朋友負擔唔細，加上支援同教育就更加唔係易事，MC就指成長過程父母鼓勵係非常重要嘅一點，而自己父母就一直非常支持自己同給予極大自由度，令自己可以非常享受成長過程。

而早前肩負起寄養家庭重任嘅 吳雨霏 呢日亦有出現，佢就提到冇諗過屋企小朋友非常幫手照顧，令佢喜出望外，仲話已經開始擔心，完成照顧任務後離別時嘅不捨咁話。