姚焯菲 今個暑假嘅重頭戲；首次個人演唱會日前正式舉行，Chantel為現場歌迷獻唱多首歌曲，雖然開騷前有啲唔舒服，不過就依舊落力跳舞演唱，佢仲分別邀請 Johnny Yim 曾比特 等擔任嘉賓，而一眾《聲夢》成員同唔少圈中好友亦現身於台下捧場。
不過雖然現場非常熱鬧，不過Chantel呢日提起兩年前離世嘅嫲嫲未有機會現場欣賞就非常感觸，更當場落淚。
完成演出後，Chantel就要準備返美國開學，仲得返幾日Me Time，更指係踏上孤獨旅程，不過就預告聖誕期間會再為大家演出，會於澳門舉行另外一個演唱會，仲話希望到時以更好狀態為大家演出呀。
