娛樂圈有一種真摯姊妹情叫「七魔女」，點解咁講，當年佘詩曼、湯盈盈、梁靖琪、文頌嫻、姚樂怡、鍾麗淇同周家蔚（Janet）識於微時，經過二十年，有人事業有成、有人成為賢妻良母，但無阻彼此之間嘅友誼，每逢喜慶事就會聚會，每年又會相約姊妹外遊。
上月25號係Janet嘅43歲生日，今年七魔女齊人為壽星女慶祝，獻吻送祝福。Janet分享生日派對嘅開心相，再感觸寫上「我何德何能，竟能擁有長達二十年的美好友誼？見到面我們就是這樣，回想我們的友誼。那麼多年來發生過的難忘經歷，時間過得好快，人大了，成長了，學懂得珍惜。愛你們。」字裡行間流露出Janet越嚟越重視七魔女之間嘅姊妹情。
