鄭丹瑞係圈中好老公同好爸爸嘅典範，佢嘅大女鄭瑤喺社交平台分享一輯家庭東京遊嘅旅行相，寫上爸爸媽媽結婚45週年快樂，相中旦哥同太太配合囡囡要求，擺出恩愛同沉思甫士影相，表達婚姻中嘅高低起跌。
鄭丹瑞與太太相識於求學時期，彼此為對方嘅初戀情人，二人於1981年拉埋天窗，今年係旦哥同太太「藍寶石婚」，一家人趁住咁值得慶祝嘅日子，暫時放下工作，好好享受家庭樂。
大女鄭瑤已結婚兼為人母，對父母嘅婚姻特別有感覺，佢感激父母攜手走過無數風雨，令佢同妹妹鄭珉見證咗咩係愛、忠誠、堅韌，以及如何風雨同舟、攜手共度，鄭瑤自覺同妺妹太幸運，能夠成為佢哋嘅女兒。
