甄敏芳透過參加TVB歌唱節目《聲秀》入行，比賽期間已被封「顏值擔當」，23歲甄敏芳擁有170cm高䠷身形、笑容甜美，以及超強顏值，意外成為《玄戰》首播最大亮點，而甄敏芳近期亦開始參與劇集《模範律師團》拍攝，入行1年幾已三棲發展。
myTV SUPER《玄戰》陳展鵬現身出題
甄敏芳畢業於澳門大學英文教育系，成績優異且具備教師資格，澳門求學階段已多次參加歌唱比賽，為咗追尋演藝同歌唱夢，毅然放棄穩定工作，決心加入娛樂圈。《玄戰》首播戰況激烈，唔少網民將焦點集中喺兩位女主持身上，甄敏芳憑甜美仙氣嘅外貌，獲封新一代女神爆紅。
甄敏芳首度擔任主持工作，即俘虜唔少網民歡心，讚其擁有「戀愛面」，一望即讓人有戀愛感覺，可見甄敏芳頗有觀眾緣，多個討論區亦「洗版」湧現大量關於甄敏芳嘅截圖貼文，讚甄敏芳「靚到離譜」，提議佢轉行拍劇，而甄敏芳確係敢於接受各樣新挑戰，之前已參與劇集《模範律師團》拍攝，相信嚟緊觀眾都好期待佢嘅演出。
至於港姐出身嘅陳懿德（德德），近期與羅天宇戀情逐漸浮面，工作亦接踵而來，喺《玄戰》首播嗰集一襲黑色貼身晚裝，將其葫蘆身段表露無遺，同樣獲網民列為「高瘦靚女族」。
直播玄學競賽節目《玄戰》 逢周一至五晚10點半翡翠台播映