《2026香港小姐競選》冠軍袁絲珩、亞軍鄧匡閔、季軍暨最上鏡友誼小姐李澤欣，以及友誼小姐李澄晴再次出動接受頒發獎品。
經過連月來嘅訓練，港姐賽程終於完結，佳麗們可以唞吓計劃點慶祝，出爐冠軍Bernice話仲未完成打邊爐心願，不過經已約齊今屆佳麗們打邊爐聚會，佢話當選後只得四人出席活動，好掛住十二位佳麗一齊相處嘅感覺。
四位出爐港姐對幕前工作都有興趣，Bernice想挑戰司儀工作，亦有興趣拍劇。Ada同Scarlett同樣有意喺劇集方面發展，而Scarlett就想同馬國明合作，因為之前試過喺TVB試鏡時，當時套劇馬國明有份演出，加上決賽夜又見到對方，期待真正合作。至於Chorie就想參與旅遊節目拍攝，開拓眼界。
