陳瀅 早前趁空檔去咗荷蘭阿姆斯特丹旅行，喺呢兩星期嘅旅程Jeanie放低工作壓力，過返一啲慢活嘅節奏。見佢喺社交平台狂曬靚相，隔住個Mon都感受到佢呢個假期有幾Chill呀﹗
Jeannie除咗去咗當地嘅運河遊船打卡之外，又入鄉隨俗喺當地租單車代步，穿梭於市中心嘅大街小巷，佢透露今次嘅踩單車體驗，令佢非常難忘，大讚自己level up，仲話自己非常融入當地嘅低碳生活文化。
Jeannie仲指好享受逛周日市集、欣賞日落，當然唔少得品嚐當地傳統嘅荷蘭鬆餅以及義式冰淇淋啦，佢仲話「gelato all day everyday 」睇嚟Jeannie絕對係雪糕控無誤。雖然日日食雪糕，但係有網民就發現到Jeanie瘦咗唔少，食雪糕都可以瘦身，大家係咪好羨慕呢？
