新劇《死有對証》即將喺9月7號晚首播，陳曉華、馬貫東、阮浩棕、吳若希等一眾演員宣傳記招。
劇集涉及唔少專業知識，所以劇組亦向法醫馬宣立做資料搜集。而Hera呢次喺劇中係一位患有強逼症嘅法醫，同韋家雄以及阿東拍住上查案，仲要記唔少專業名詞。護理系出身嘅Hera就話記名詞記得好開心，不過佢嘅記詞方式係讀出聲，強迫咗大家聽佢讀台詞。
至於阿東自翊係長跑手，因為喺劇中有唔少跑嚟跑去嘅戲份，但佢最佩服都係扛住器材嘅攝影師。
Jinny同阿Nic呢次一個要體驗瞓解剖床做死屍，一個要體驗被埋到得返個頭。Jinny就話，拍攝被解剖戲份時正值農歴七月，不過冇著衫瞓落解剖床時真係凍到打冷震，而且Hera投入角色所以喊得好淒涼，令Jinny都覺得：「你唔好喊喇，我唔係有心死。」亦喺拍完呢場戲後有人生感悟。
阿Nic就話，自己拍被人埋嘅戲份時拍得好辛苦，雖然係有紙皮圍住再加泥，自己只需要扮暈就得，但其實重量唔輕，要一直頂住都好難。
黃嘉雯 表示，佢喺所演嘅第一個單元「雙餸飯碎屍案」嘅角色，除咗有完整故事線，仲會有動作戲份，真係入行以嚟最大挑戰性。至於王菲為咗演好瑜伽老師，當時都去密密上堂，仲練到可以做一字馬。
《死有對証》9月7號起 星期一至五晚 20:30 翡翠台