由 賴慰玲 主持嘅新節目《健康誠諾書》9月5號起播出，呢日嘉賓 黃翠如 孫慧雪 張慧儀 同 囝囝Hanson一齊出席記者會，呢日幾位人母一齊集合，仲話節目中分享唔少做媽咪嘅故事同辛酸，阿雪仲話拍攝時大家傾到停唔到，連製作組都擔心錄影時冇話題，但係就被幾位一口回絕，非常搞笑。
翠如仲指本來冇諗住公開分享嘅話題，最後都不經意一齊分享，仲話自己同阿雪都因為子宮肌瘤問題，所以懷孕時一樣都遇過驚險事。而佢哋拍攝節目後，就認為對未來規劃非常重要喇。
至於一手湊大有先天病養子嘅慧儀，經歷就更加唔平凡，佢就話而家回想當年Hanson要接受手術，至今仍有創傷反遺症，呢日講起都非常感觸呀。
而日前蕭哈哈於電視中見到主持港姐嘅爸爸 蕭正楠 同幾位「郁郁」，令佢非常好奇呀。
《健康誠諾書》星期六晚 20:00 翡翠台