香港演藝界再傳噩耗，據報道指 丁羽 向傳媒證實，被尊稱為「Ming Sir」嘅資深藝人劉兆銘今日9月2日離世，享年94歲。
劉兆銘係早年是香港舞蹈界跨出國際嘅開荒者之一，佢年輕時隻身赴法國苦練芭蕾舞，成為首位為法國舞蹈家編舞嘅華人，更曾於比利時國家芭蕾舞團擔任舞者及編導。回港後，佢早於1970年代開始擔任無綫《歡樂今宵》舞蹈主任。1979年獲徐克導演賞識接拍首部電影《蝶變》，正式踏入影壇，由此開啟長達數十年嘅輝煌演員生涯。
Mig Sir逾半個世紀演藝歲月中，憑藉精湛演技塑造無數深植人心的經典角色：好似《倩女幽魂》千年樹妖姥姥，佢飾演雌雄同體、陰森詭異嘅樹妖姥姥，將恐怖氣氛發揮得淋漓盡致，成為無數觀眾心中經典「童年陰影」，亦係華語影壇中嘅標誌性角色。又曾於許冠傑主演嘅電影版《笑傲江湖》扮演岳不群，完美演繹出偽君子嘅陰險與城府。
Ming Sir於TVB期間參演過無數電視劇，包括《射鵰英雄傳》(南帝段智興)、《新紮師兄》、《賭城大亨》同《團圓》等。劉兆銘一生對香港藝術文化貢獻良多，曾先後榮獲香港演藝學院頒授榮譽院士、香港藝術發展獎「傑出藝術貢獻獎」，以及於《萬千星輝頒獎典禮2013》獲頒最高榮譽「萬千光輝演藝人大獎」，同年亦獲政府授予榮譽勳章。
即使晚年行動不便且經歷喪妻悲痛，Ming Sir依然保持樂觀豁達態度，經常與後輩交流聚會。如今Ming Sir安詳離去，但佢為香港舞壇與影壇留下嘅藝術瑰寶將永垂不朽。
