江美儀、吳業坤、朱敏瀚、曾展望同張振朗主持嘅綜藝節目《試真D唷》將於9月6號晚上8點喺翡翠台首播，今輯佢哋將會去台灣試伏。拍攝期間撞啱朱仔開劇，佢一早預咗未能參與拍攝，點知劇組同製作組絞盡腦汁去互相配合，朱仔喺出發前一晚先知道可以啟程去台灣拍攝兩日一夜。
自從《試真D》嘅拍攝相處，朱仔同美儀姐等經已建立咗一份互相信任同珍貴友誼，今次能夠順利歸隊，朱仔興奮莫名，仲喺街頭同大家自拍留念，點知突然出現一個變態佬強吻佢，而呢位朱仔口中形容嘅變態佬，就係好兄弟張振朗，相信佢哋幾個人之間嘅化學作用，一定令《試真D唷》更上一層樓！
