一到九月，就係莘莘學子告別暑假嘅開學季！姚焯菲（Chantel）都唔例外，佢都要收拾心情返美國升讀大二，繼續攻讀大學。
Chantel喺呢個暑假都過得好充實，自五月返港後，佢推出新歌《想飛之內心獨白》及《別讓愛被愛人殺死》，更頻頻出席活動同一眾小菲象見面。講到最難忘、最有意義嘅就係早前舉行咗首個個人演唱會！
Chantel亦喺社交平台分享連串靚相為自己呢個暑假進行總結，佢更寫下：「2026暑期工結束﹗Good to see everyone ...bye for now﹗」小菲象們同偶像異地分隔感到不捨，仲叫Chantel得閒要多啲喺群組留言，同大家分享一下大學生活。
但係小菲象們唔使太過傷心，因為Chantel早前喺演唱會已經預告，喺12月聖誕期間再次返港，到時仲去澳門舉行演唱會添！
