吳業坤同太太愛子結婚4年，過往二人世界生活，亦愛錫家中一位得意毛孩「白湯」，近日兩位就帶住白湯Staycation兼慶祝生日！
從坤哥同愛子分享嘅相片可見，佢哋喺酒店房放置顏色繽紛嘅氣球，中間一個大大嘅「4」就係代表白湯嘅4歲生日，作為小壽星嘅白湯亦戴上寫有「Happy Birthday」嘅粉白格仔口水巾，非常得意。坤哥同愛子又為白湯準備「生日飯」同生日蛋糕，可見佢哋對白湯嘅寵愛同重視。
愛子亦喺社交平台撰文表示，狗仔嘅4歲係人嘅32歲，白湯已經同自己一樣大，亦感嘆：「佢嚟到屋企嘅時候7個月大，而家大個咗好多啦。」愛子承諾會永遠愛錫白湯，希望愛犬可以永遠健健康康開開心心。
