9月4號係黃日華嘅65歲生日，放鬆心態享受豐盛人生嘅華哥，近年見到佢嘅蹤影，最多係參與明星足球隊嘅賽事同活動，正如隊中嘅成員莫家淦所講，華哥係好愛錫後輩，深得大家敬重，華哥生日前夕，一眾明星足球隊嘅成員都約埋食飯，同華哥提前慶祝生日。
相中見洪天明、周家蔚、馬海倫、鄧兆尊、吳家樂同莫家淦等開心歡聚，齋睇相已感受到現場氣氛係幾咁熱鬧同嘈吵，校長譚詠麟目前正準備開紅館騷，仍抽空出席。
眾人向華哥紛紛送上祝賀，除咗身體健康同心想事成外，當然就要祝華哥踢好波同跑好步，因為呢兩樣都係令華哥越嚟越健康同開心嘅來源之一。
