賴慰玲主持嘅新節目《健康誠諾書》將於9月5號晚起，一連三個星期六於翡翠台播出，第一集請到兩位星級爸爸陳展鵬同袁偉豪作客，分享自己嘅人生故事，Winki話聽到兩位爸爸分享咗好多深刻畫面，尤其佢哋同父母相處嘅故事，令Winki學會更珍惜同父母相處時間。
主持或嘉賓通過節目拍攝亦有所啟發，Winki話父母睇住自己長大，其實父母都一齊成長，可能有日就換轉係仔女照顧父母，展鵬同阿Ben喺傾談當中，展現鐵漢柔情一面。阿Ben覺得傾談過程好似回顧自己大半生。
Winki、展鵬同阿Ben同時要兼顧為人父母同子女兩種角色，所以佢哋都好關心如何為家人綢繆，不論係小朋友定父母，為心愛嘅人提供最好保障，Winki指有好多健康嘅資訊去造就家人有健康生活，唔好等到有事發生時先去做。
