由五月天瑪莎、范曉萱有份擔任策展人，匯聚亞洲音樂人嘅亞洲流行音樂節日前喺台北完美落幕。盧廣仲、美秀集團、台語小天后李竺芯、今屆金曲奬新人陳嫺靜、范曉萱、告五人等多組歌手輪流演出，現場非常熱鬧。
告五人曾經客串參演五月天世界巡回演唱會嘅過場片，同瑪莎喺片中組成「靠五人」。呢次佢哋同瑪莎合體喺音樂節演出，令「靠五人」成真，令告五人都覺得件事好神奇。犬青仲「靠五人」組成經歷，表示當時佢哋只係收到通知要去為五月天拍一條片，但完全唔知內容，去到片場見到瑪莎，瑪莎都話唔知要拍咩。最後犬青喺網上見到五迷分享演唱會VCR先知，佢哋同瑪莎嘅演出片段被組成「靠五人」。
陳嫺靜雖然今年勇奪金曲獎最佳新人奬，不過佢就話得奬冇令佢桃花運變好，反而開始思考人生。佢表示，自己最近喺社交平台見到有人話，希望可以做一個喺辦桌宴席上，見到小朋友多嘅席就會話可以加點幾碟「鳳梨蝦球」嘅老伯伯，而佢都好想做呢一種嘅大人。
