天王郭富城與方媛結婚多年依然恩愛，經常抽空陪伴三名女兒，城城曾坦言從未喺屋企擺出嚴格父親嘅姿態，希望專自己與女兒相處好似朋友咁，對阿女嘅學業亦早鋪定路，有報道指城城為大女及二女安排入讀素有「IB狀元搖籃」之稱嘅滬江維多利亞學校，而另一天王劉德華女兒劉向蕙亦係該校校友。
有傳城城外母喺開學日低調湊孫女返學，疑二人有工作在身，未能親自接送大寶Chantelle與二寶Charlotte。城城為愛女挑選學校早於幼稚園階段已有部署，愛女現正就讀嘅小學，全年學費高達191,700元，即係城城齋係為兩個女交學費，一年要豪擲近40萬元，幸好城城吸金力強，栽培愛女當然絕不手軟，為日後海外升學鋪路。
