提起李蕙敏，大家除咗諗起佢首經典慘情歌《你沒有好結果》之外，大家又記唔記得佢曾經同安德尊合作過主持工作呢？呢日兩位舊拍檔相隔多年終於喺《流行都市》再次碰面，Amanda接受《娛樂新聞台》訪問時，都話好開心見返大王啊！
myTV SUPER重溫《流行都市》精彩內容
Amanda帶住新歌回歸樂壇，令唔少歌迷都好驚喜，而嚟緊佢亦會去到澳門舉行音樂會以歌會友，至於會唔會想喺紅館開個唱？Amanda直言都好想，仲話有啲計劃添。
日前梁敏巧報導一宗情騙案時，當苦主形容該名渣男平日打扮，Maggie突然講咗句「係咪好似安德尊？」，仲忍唔住失控大笑要求停機，片段出街後，無辜躺著也中槍嘅大王，即刻成為焦點，搞到Maggie 即刻喺社交平台向大王耍冧，呢日大王被問到呢件事，佢就一啲都唔介意，仲話Maggie帶挈咗佢嘅人氣呀。
