資深演員劉兆銘（Ming Sir）於9月2日離世。Ming Sir一生對影視界貢獻卓越，提攜過不少後輩，喺演藝圈地位崇高，縱橫演藝界超過半世紀，四屆視后佘詩曼曾公開表達對Ming Sir無盡感激，「爺爺」與「奀豬」因戲結緣，私下亦當作親爺爺般孝順。
阿佘於2001年拍TVB劇《七姊妹》與Ming Sir飾演兩爺孫，Ming Sir喺劇中極其疼愛「奀豬」阿佘，而阿佘喺演戲同人生遇上樽頸位，亦喜歡搵Ming Sir傾偈，Ming Sir只會講一啲故事讓別人得到啟發，最難忘係有次收工後，載Ming Sir去自己屋企花園食牛扒，好喜歡嗰段時光。
Ming Sir生前曾大讚阿姐汪明荃極具跳舞天份，直言對方有機會做出色舞蹈家，但阿姐有感年紀大，最終冇喺呢方面發展，把跳舞當作興趣。
鍾景輝（King Sir）與Ming Sir兩位殿堂級泰斗接連離世，唔少後輩感到惋惜，指二人從不吝嗇提攜後輩，希望佢哋嘅敬業精神，薪火相傳。
